البوابة
يسعد صباحكم / ومساكم
ويسعدني بهالطله اللي فقدتها < فاقده روحها من مبطي
جايبه معي موضوع خفيف وثقيل من فتره وانا ابي انزله لكن قدر الله وماشاء فعل
والموضوع طازه . << تعبت وانا اكتبه
يقولون كلام الشات ينشات
بالتالي اي شيء فيه ينشات !
محدثتكم بشوشه تسمع عن الشات ولا قط دخلته
ولا تحبه ولا لها فيه وماتدانيه لكن حبت تجرب
الشات وتشوف العالم اللي فيه وليه تدخله وايش
سواتهم داخل الشات وهل يوجد حقآ شيء مسلي
ام مجرد تضييع وقت ؟ وهل حقآ مااسمع عنه
موجود ليومنا هذا ام ماذا ؟ لكن جهازها مافيه اللي تسمى
(جافا) ولاحبيت احملها لأني مااحتاج الشات
في احدى الفجريات وانا اتصفح النت الا واخونا
الكريم مدخلني صفحه شات لاقيت حالي فجاه
مع ناس نفس حكايتي نوافذ تفتح شات بالحالها
وكان مسميني هذا اليوم (عاجبني حبك) لابق لي الأسم
محدثتكم انبسطت بتشوف اعلوم جديده وناويه نيه
انطباعي مازال عنه انه ممل وقرف وفضاوه
وحسيت بتأنيب ضمير على وقتي اللي راح فيه .
وفعلآ عالم زي ماسمعت عنها همها
تجميع حصيله من البنات وناس تلفت الانتباه
بالمشكلات المفتعله وهاتك الألفاظ البذيئه وحركات بلطجيه
المهم اني سكرت النافذه وطلعت لكن !!!
بعد فتره جى في بالي ادخل مره ثانيه واشوف
كيف وضع البنات بالشات ؟؟
اختكم بشوشه سجلت باءسم (شاب) ودخلت
احدى الدردشات وتتنقل من غرفه الى غرفه
لعلها تجد مايملي فضولها ودخلت غرفه مافيها
الا اثنين
قعدت استكشف يمن ويسار واترككم مع اللي
صار . .
تركي قالت احبك قلت متى موعد الخيانه :
شكلك جديد
مجروح:
اي جديد ومالي بالشات .
تركي:
ليه دخلته اجل
مجروح:
ابد هي النافذه انفتحت ومره وحده حبيت اشوف وش فيه
تركي:
سريع انت بالكتابه
مجروح:
ايه ليه ؟
تركي:
ليه ماتروح شات صوتي
مجروح:
اقول لك ماحب الشات اروح صوتي خلني ابلع الكتابي
كم لك بالشات ؟
تركي:
لي سنتيين
مجروح :
وش استفدت
تركي:
والله مااستفدت غير الذنوب واستأثم على حالي
مجروح:
طيب هذا انت عارف ليه تستمر
تركي:
والله ادمان الشات ادمان الله لايوريك
مجروح :
الله يعطيك عيفته ولا يبلاني
تركي:
آمين
تركي :
طبعآ انا اجي بس اشبك
مجروح:
من جدك ؟
تركي :
اي اجي اشبك بس
مجروح:
ليه البنات يحبون بسرعه ؟
تركي:
ايه في بنات على طول تحب وينضحك عليها
مجروح:
طيب اذا تركتهم ويش يصير فيهم ؟؟
تركي:
تعذب
جريح:
يالله تقوى على عذابها انت ؟؟
تركي:
لا, وفي بنات ينتحرون .
اشلون مايقوى على عذابها ويتسلى فيها ويتركها ومن وحده لوحده !!!!!!!!
مجروح :
اف ينتحرون , ترى جرح المشاعر مو سهل
تركي :
ادري , ياخوي ترى مجرب من بنت
مجروح:
ايوه , لايكون هذا اللي خلاك كيذا
تركي:
كذا تلعب علي وانا اول مره ادخل شات واضحكت علي بس الحين محد يضحك علي
ومااضحك على احد .
الأخ اشوفه يناقض حاله مايضحك على حد ونفس الوقت بس يشبك
مجروح :
ايوه ياذيب انت , انت ماتضحك ؟ شكلك متمرس طيب
تركي:
ههههههههههههههههههههههههههههههههههه
ههههههههههههههههههههههههههههههههههه
يمكن
ههههههههههههههههههههههههههههههههههه
تركي:
في وحده تعرض لي
مجروح:
اف تعرض لك وليه تعرض ؟
تركي:
يعني انها تحبني تعرض لي واشحن لها
مجروح :
بكم شحنت لها ؟
تركي:
بستين
اذا الحب حب بطايق شحن فعلى الدنيا السلام وتقدر نفسها بشحن ! هذا مستواها عند نفسها اكيد الغير بيرخص
فيها ستين اجل ! احنى الحين المهر لاصار بستين الف او اقل بعض من الرجال يهين الحرمه ولايقدرها ويرخصها
كيف انتي اللي عرض وشحن وتبينه يحبك . اقول نرجع لمحور حديثنا كني استطردت .
تركي:
في وحده تعرض لي من غير مااقول لها ومن غير مقابل
مجروح:
ههههههههههههه مسويه مجانآ هذي
ليه يسون كيذا ؟
تركي:
يعني تحبك وماتبي تشوف غيرها اللي تبيه تسويه لك وعادي عندهم البنات تمسح كرامتها
اهم شي تحبها وماتزعل عليها .
مجروح :
اهاه . تصدق
تركي:
ايه
مجروح:
جاني فضول اشوف البنات يشبكون معي ولا ؟
تركي:
البنات يحبون الخفيف دم
مجروح:
هع بس شكلي ثقيل
تركي:
ههههههههههههههههههه
نص البنات يحبون الثقيل
مجروح :
اها توك تقول يحبون الخفيف دم
احسهم مايعطون الثقيل وجه
تركي :
قليل منهم يحبون الثقيل
مجروح :
شرايك اجرب حظي اروح اشبك
تركي:
هههههههههههه جرب
بس انتبه لاتلعب عليك بنت
مجروح:
منتبه وثقيل
تركي:
ههههههههههههههههه الله يوفقك
روح وانا وراااك .
هههههههههههه ابي اشوف تشبيكك
مجروح:
لا ماتشوفني فشله , دام البنات سهلين ماراح اتعب بس على حظي شكلي مابشبك
تركي:
هههههههههههههههههههه
مجروح:
توني مبتدء لاتجي تشوفني
اشلونك ياحلوه ؟ ياهلا باللي حضر , تراني قاعد ادرب عليك
تركي:
ههههههههههههههههه عادي ياخوي مافي احد طلع من بطن امه متعلم
روووح ياشيخ .الله يوفقك
يدعي لي بالتوفيق بالتشبيك زي الرقاصه قبل لاترقص تدعي الله ربنا يوفئني
مجروح:
اقول تستخدم الخاص معهم
تركي :
اذا شبكت معك استخدم الخاص معها
مجروح:
شف اللي فيني فضول مااحب هالشي لكني بشوف الحال مع البنات
تركي :
يلا
مجروح :
اشلون اعرف انها اشبكت معي خخخخخخخ غشيم
تعطيني وجه ؟
تركي:
ايه
مجروح:
طيب
تركي :
يلا اي ررروم
مجروح:
قد انه مجروح قاعد يدور اي روم ويبرم فيه ويدور على صيده لكن مافيه حد .
.
البنات = باحثون عن الحب بأي وسيله
الشباب = باحثون عن التسليه بأي وسيله
البنات = مأخوذ عنهم فكره انهم سهلات كلمه تجيبهم وكلمه توديهم
الشباب = لن يخسر كمثل خسارة البنت
.
عالم الالقاب عالم لايؤتمن له ان كنتي تبحثين عن التسليه فهي موجوده لكن ليس بجسدك
او بقلبك وان كنت تبحث عن دميه تلعب بها بأي وقت فالكثير من الدمى البائعة
لنفسها لايحتاج ان تطرق قلوب مقفله وتعبث بها . _على طاري الدمى_ والعبث والتسليه قرأت
احدى المشاكل المطروحه زميلتان اتفقتا على زميله اخرى لهم باءضافتها للماسن على ان احداهم
شاب وتطورت الأمور الى 3 شهور حب بين فتاتيين وهي لاتعلم انها مجرد العوبه وضحية
مزحه غبيه لزميلاتها والفتاه (الشاب) تبحث عن حل لهذا المأزق وكيف تصارحها .
وانت كنتم تبحثون عن حب فالحب لايأتي بهذه الطريقه ومسح الكرامه فالحب ارقى وأنقى
واللي يحبك يخاف عليك من نفسه . نصيحه مني يابنات خلك ذيبه وبلا قلبو وياعسل تراها
تجيب ام خرايطها على قولتهم . مايستفاد من تجربتي بالشات متروكه لك عزيزي القارىء
ومن يدري قد اكون انا الأخرى شاب وليس فتاه !
/
الموضوع بقلمي وواقع لاهو كذبه ولا هو
خيال شيء حصل معي وكتبته .
موضووع في قمة الرووعة عجبني ولطشتة
