البوابة
{ .. السلام عليكم ورحمة الله وبركاته .. }
تخيلو البنات يخطبون الشباب /
يعني تتفاجأ في يوم وانت قاعد تقرا كتاب رومانسي
وأنواع الأحلام الورديه ( يااي) و سرحان في فارسة احلامك على الحصان الابيض..
الا و امك داخلة عليك و توها جاية من بيت جيرانكم و تقولك: يا ولدي ودي اكلمك
في موضوع. . ترد انت بكل خوف : خير يمه ؟
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت
وكلن يبيك. ها وش رايك ؟
وعاد تنزل انت راسك في الارض و تلعب باصبعك في شعرك ( او شنبك)
و ترد و انت مستحي و خدودك حمرة (هذا اذا كنت محلق اللحية)
و تقول :
الراي رايك والشور شورك يايمه..
تقول امك: انا بصراحة ما اشوف في البنت شي. .
ماشالله عليها محترمة و وظيفتها زينه و راتبها ممتاز و من عايلة محترمة و من البيت
للمسجد و من المسجد للبيت ..
ولا عندها سوالف السفر و الخربطة ولاتدخن .. يعني بنت ما عليها. .
تقول انت : بس يا يمه هي ما شافتني من اول. انا دايما متلطم بشماغي
تقول امك: هي شافتك و انت نازل من باص المدرسة (الله واكبر يالروز رايز) .. :d
و سألت عنك و قالو لها ولد ماهوب راعي سوق و كوفي شوب و ما يطلع الا مع ابوه.
و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ الله يعينه..
تقول انت : اللي تشوفينه يمه . . وتطلع امك من الغرفة
وتنط انت قدام المرآيه و تاخذ نص لفة يمين و نص لفة شمال
تشوف جسمك و تمشط شعرك و شنبك بدلع (ياعمري) هههههههااي
و تقول : اه اخيرا حست و خطبتني.
و قبل يوم الخميس تروح لكوافيير رجالي و تكون مسوي حجز و تقعد
و تصبغ شعرك (هاي لايت) و تزين حواجبك
وتجي البيت و تلبس الثوب اللي فصلته عند المصمم ( عبده شولق)
لثياب الاعراس و الحفلات واللي فيه فتحة من عند الساق و فتحه في الظهر
وسلاسل و ذاك المكياج وذاك العطر اللي يشق الخشم و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل : لالا يا يبه انا استحي
ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت ...
و تاخذ صينية العصير و تدخل المجلس اللي فيه البنت بكل نعومه
ورقه ودلع وأدب و تقول بصوت ناعم:
احم احم اس السس سسسلام عليكم (صاير حكيم على غفله)
ترد هي بعد ما وقفت و عليكم السلام ( و هي تطالع فيك و في كل قطعة فيك) ...
و تقولها تفضلي....
تقول هي: وش الاحلى العصير الاحمر و لا الاصفر؟
بزعمها تبي تلطف الجو معك < .. تتلصق.
تقول انت: كله حلو
تقول هي: اكيد كله حلو لانك انت اللي مسويه هههههااي
وبعدين تحط الصينية بسرعة وايدك على فمك و تضحك و تروح داخل بسرعة
ياربيييييييه
الا اخوانك ينتظرونك و يقولون: ها شلون شكلها
تقول انت: واي واي تهبل تهبل حلوة و دمها خفيف و ذوق
الا ابوك من المطبخ يزغرط
لللووووووولللييييشششش مبروك يا ولدي
الا بدخلة اختك العربجية من بره و حاطه عبايتها على كتفها و تقول :
خير وش السالفه!!
يقوله ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه ؟
و تعطيك كف و تقول والله لالعن شكلها اللي جايه تخطب اخوي شباب آخر زمن
الا بدخلة امك و تسطر اختك كف و تطلع اختك بالسيارة و تفحط و تروح....
و تمر الايام و انت تجهز ثوب العرس و الكوشة و بيت الزوجية و خلال هالفترة تمرك
زوجتك بالسيارة تتمشون و تحاول انها تمسك ايدك و انت مستحي
( ومن هناك ودك و بتموت) و انت تقول لا لا عيب احد يشوفنا
( يعني لو ماحد يشوفكم عادي)
و يجي يوم العرس و تقعد انت في الكوشة
و كل الشباب حوالينك يرقصون
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب )
و تقعد العروس جنبك و ترفع الطرحة (طرحة البسام بصمة ألف)
و تقولك: الله صاير مثل القمر
ثم تلف وجهك وانت مستحي
و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم
وتطلع من المستشفى الى بيت اهلك علشان النفاس < .. حركات
و تاخذها زوجتك فرصة و تسافر مع البنات و يهيصون قبل ما تخلص مدة نفاسك
الله يساعدك الله يساعدك ويكون فعونك
و ترجع لبيتك تربي عيالك و تطبخ الغدا لزوجتك
وتتخانقون ساعات و تنام و دمعتك على شنبك
ويزيد حدة الخلاف و تاخذ شماغك و عيالك و تروح لبيت اهلك
و تصلح امك ما بينكم و ترجع الحياة مثل اول ..
<<< تتخيل وتضحك
يالله عطوني رايكم ياشباب وش تحسون فيه يوم انكم قريتو التخيل ابي اعرف وش تحسون فيه لما يصير لكم هالموقف او تنقلب الدنيا وتصير كذا
تخرب الدنيا .. يسلموو ع المرور